Nova muzikvideo de Armel Amiot kaj ekpreparado de albumet-projekto
- Publikigita lunde, 11 Septembro 2023 22:34
Nova muzikvideo “Nova ĝojo”
Armel Amiot revenas por regali nin pere de la nova oficiala muzikvideo "Nova ĝojo" el lia unua esperanto Albumeto.
Malkovru la albumeton Banĝo Esperanto ĉe la platformo de Vinilkosmo ĉi tie alklakante sur la kovrilon:
https://www.vinilkosmo-mp3.com/eo/kanzono-tradicia-progresiva/armel-amiot
Dezertoj, nova albumet-projekto
Post Banjo Esperanto, Armel Amiot transportas siajn kantojn meze de dezertojn.
Estas multaj dezertoj, de emocia soleco ĝis la malriĉeco de grandaj urboj, de la soleca birdo en la nuboj ĝis la izolado de la vortoj de iu kiu ne scias ilin uzi.
La artisto ofte estas sola kaj lia vizio donas al li specon de klarvido, voĉon propran, kaj per kiu li povas vigligi muzikon kaj vortojn....
La banĝo, lia fidela scenkunulo, daŭre estas tie por porti la kantojn, sed ĝi estas pli ĉirkaŭita ĉi-foje. La blusgitaroj, hammond-orgeno, kaj latina perkutado portas ĝin, por ke esperanto sonu gruve kaj dolĉe.
Ĉi tiu nova albumeto Dezertoj estas kuirata, ĉiuj ingrediencoj estas tie!
Ankoraŭ iom da pacienco….
.
Esperanta Koncerto de VOJAĜO sabaton 9an de septembro 2023 en Port-Sud, Ramonville Saint-Agne (Tuluzo)
- Publikigita marde, 15 Aŭgusto 2023 14:25
Esperanta Koncerto de VOJAĜO sabaton 9an de septembro 2023 (20h30) en Port-Sud, Ramonville Saint-Agne (Tuluzo)
La tuluza esperanta bando VOJAĜO prezentos koncerton kun novaj kantoj kaj kantoj de la albumo "Intergalaksia".
La muziko de la grupo vojaĝigos vin inter nuĵazo, triphopo kaj mondĵazaj stiloj kun la malkovro de la voĉo de ilia nova kantistino.
La koncerto okazos sur la platŝipo "Disdascalie"
ĉe la kanalhaveno de Port-Sud en Ramonville Saint-Agne (Tuluzo)
Adreso: Rue Federico Garcia Lorca, Port-Sud, 31520 Ramonville-Saint-Agne, Okcitanio/Francio
https://www.penichedidascalie.com/
Por esti certa havi lokon, nepre rezervu ĉe:
https://www.helloasso.com/associations/peniche-didascalie/evenements/vojago
Informoj pri la bando Vojaĝo kaj iliaj albumoj:
https://www.vinilkosmo-mp3.com/eo/kanzono-tradicia-progresiva/vojaĝo.html
Oficiala apero de la bit-albumo "Sen timo" de KAJTO la 3-an de aŭgusto 2023
- Publikigita merkrede, 02 Aŭgusto 2023 15:37
Oficiala apero de la bit-albumo "Sen timo" de KAJTO la 3-an de aŭgusto 2023
Kajto revenas kun sia 9-a albumo en Esperanto "Sen timo", eldonita en bitformato de Vinilkosmo la 3-an de aŭgusto 2023.
Rimarkinda albumo, tute malsama al la antaŭaj pro la granda kunlaboro de partoprenantoj, prezentanta 15 belegajn kantojn.
Disponebla elŝute ĉi tie:
https://www.vinilkosmo-mp3.com/eo/kanzono-tradicia-progresiva/kajto-115/9-sen-timo.html
kaj elsendflue en viaj plej ŝatataj platformoj...
Por viziti la artistopaĝon de Kajto:
https://www.vinilkosmo-mp3.com/eo/kanzono-tradicia-progresiva/kajto-115.html
Spektu la muzikvideon "Sen timo":
Primitiva 2, nova memeldono de YASS el Japanio
- Publikigita dimanĉe, 13 Aŭgusto 2023 06:24
Primitiva 2 , nova memeldono de YASS el Japanio
YASS (Hugo Yass el Kioto en Japanio) revenas kun nova esperanto-albumo, la sekvo de la unua, titolita Primitiva 2 .
Kiel la unua ĝi enhavas 10 kantojn (57 minutoj) memeldonitajn kaj laŭ simila muzikstilo.
Primitiva 2 estas disponebla ekde la 13a de aŭgusto 2023 en la ĉefaj muzikplatformoj elsendflue.
kiel ekzemple:
Aŭ https://www.youtube.com/channel/UCySb7yM7vPIns3P1D8kIL3g
Pliajn informojn pri la artristo kaj pri lia nova albumo vi povos havi aŭ peti ĉe :
https://www.hugoyass.com
aŭ ankaŭ tra https://www.facebook.com/SingerHUGOYASS/
Oficiala apero de la nova bitalbmeto "Nuda" de KJARA la 25an de julio 2023
- Publikigita lunde, 24 Julio 2023 19:00
Oficiala apero de la nova bitalbmeto "Nuda" de KJARA hodiaŭ la 25an de julio 2023.
Proksime de la Universala Kongreso de Esperanto, kiu ĉi-jare okazos en Torino (Italio), en kiu partoprenos KJARA la 3-an de aŭgusto 2023 per muzika koncerto, ekaperas hodiaŭ la 25a de julio ŝia nova esperanta albumeto.
Post la sukceso de la pasinta jaro, kiam ŝi gajnis la unuan eldonon de “Eŭrovizio de Maplimultaj Lingvoj” per la kanto "Mozaiko", Kjara revenas por kanti en Esperanto kaj faras tion kun novecaj
elementoj.
Por la unua fojo, la kantverkistino de Rimini lasas sian gitaron en ĝia ujo kaj kreas intiman, intensan kvartitolan albumeton, nur piano kaj voĉo, kies titolo estas Nuda.
Kune kun ŝi, la pianisto - samlanda - Simone Migani.
La tradukoj estas denove de Federico Gobbo.
Ekde nun vi povas elŝuti la bitan albumon en la muzika platformo de Vinilkosmo ĉi tie:
https://www.vinilkosmo-mp3.com/eo/kanzono-tradicia-progresiva/kjara/3-nuda.html
La albumeto estas elsendflue aŭskultebla en viaj kultimaj platformoj
Por malkovri la artisto KJARA:
https://www.vinilkosmo-mp3.com/eo/kanzono-tradicia-progresiva/kjara.html
Newsletter
Montru la korbon
Kategorioj
En la Reto
Serĉilo
Por aldoni en via retejo la varbrubandon ĉi apude celante ĉi tiun paĝon, kopiu la HTLM kodon ĉi sube kaj gluu ĝin en vian retejon aŭ blogon :