KREI KONTON

*

*

*

*

*

*

ĈU PASVORTO FORGESITA ?

*

Legu la plej freŝajn novaĵojn

Oficiala eldono de la dua bit-albumeto de Armel Amiot,
"Dezertoj" hodiaŭ la 24-an de majo 2024.

Kovrilo Dezertoj Armel Amiot 500px
 
Post 2 jara paŭzo, hodiaŭ lia nova albumeto Dezertoj esploras la miton de la dezerto, simbolo de soleco kaj forlaso. Ni eniras la dezerton dum ĉio ĉirkaŭ ni senhomiĝas, pro manko de amo, amikeco, aŭ memfido. Ni eniras ĝin, jen per surprizo, jen per nia propra volo, aŭ eĉ per sortoturniĝo.

La ses kantoj de ĉi tiu albumeto venas duope, man-en-mane. Kiel jino kaj jango, aŭ la du flankoj de monero, ĉar hazardo akompanas kaj kolorigas ĉiujn niajn elektojn. Temas pri nur originalaj verkoj kun teksto kaj muziko verkitaj kaj komponitaj de Armel Amiot kun la lingva helpo de Liven Dek.

Dezertoj  aperas laŭ la kutimaj bit-formatoj disponeblaj ĉe Vinilkosmo ĉi tie !

kaj elsendflue en la kutimaj muzikplatformoj liveritaj de Vinilkosmo tra Believe.

Se vi ankoraŭ ne konas la artiston Armel Amiot iru al la artista paĝo ĉi tie !

Oficiala muzikvideo de la titolo "Nek viro, nek virino"  realigita de Vincent Cerda, diponebla kun la subtekstoj en la agordoj,
ekde la 24an de majo 2024:

Finpreparoj de la nova albumeto "Dezertoj" de Armel Amiot

De pluraj semajnoj  la  finpreparoj por la eldono de la albumeto Dezertoj de Armel Amiot  intensiĝis...

Armel Amiot rakontas al ni pri la evoluo de la finpreparoj de la eldono per la sekvaj prezentoj  tekste kaj videe:

La fina streĉo antaŭ la miksado de mia nova Albumeto en Esperanto Dezertoj.
Ĉi-vespere, 21a de aprilo 2024, estis la vico de la magia sono de la Hammond-orgeno... morgaŭ, la lastaj gitarsonoj, preparado de la dosieroj, kaj marde miksado ĉe la studio Piccolo (Parizo) poste majstrigado ĵaŭdon ĉe Globe Audio (Bordeaux). Ĉio estu preta por la bita eldono ĉe la eldonejo Vinilkosmo la 24-an de majo !
Ĝi disponeblos en la Artista Paĝo de Armel ĉi tie !

Kunlabore kun Liven dek kaj Flo (Vinilkosmo) !

Fotis Armel: Hejma studio de Armel Amiot en kiu li registris sian gitaron, banĝon, orgenon kaj voĉojn

437541581 10225029482350695 5991695624468663314 nr

 

Jen la gitaro por mia nova albumeto  Dezertoj !

 

Hodiaŭ 23a de aprilo 2024, en la studio Piccolo en Parizo kun la bonega soninĝeniero Vincent Bruley por la miksado de mia dua albumeto en Esperanto Dezertoj.

 

La senriproĉa gruvo de la itala drumistino Francesca Prattico !

 

Lasta video de ĉi tiu tago de miksado kun la nekredebla sono de la senfreta baso de Marcin Majcherek. La lastan fojon, kiam mi aŭdis senfretan ronronadon tia, estis kun Pino Palladino..

 

Hodiaŭ merkrede 24an de aprilo, en la trajno de Parizo al Bordozo (Bordeaux).

438701603 10225046108646342 1185766516379334937 n

Morgaŭ ĵaŭde 25an de aprilo estos la mastriga sesio ĉe Globe Audio Kun Alexis Bardinet.
La fino de la vojaĝo de preparado de ĉi tiu albumeto Dezertoj, almenaŭ koncerne la sonon. Rerigardante, mi ne imagintus pasigi tiom da tempo por ĉi tiuj kantoj, de la verkado ĝis registrado.

Do, ĉi-vespere en mia TGV (Tre Rapid-Trajno), mi volas danki al Liven Dek pro lia pacienco, al li, kiu reviziis kaj korektis ĉiujn miajn tekstojn, al Flo Martorell pro majstre administri VINILKOSMO "Esperanto-Muzik-Prod.", kiu eldonos ĉi tiun albumeton la 24-an de majo, al la muzikistoj, kiuj kunlaboris el malproksime por tiuj ĉi registradoj (Francesca Prattico el Italio ĉe drumo kaj perkutiloj, Marcin Majcherek el Pollando ĉe baso. Vincent Bruley por la miksado, kaj morgaŭ Alexis Bardinet por mastrigado. Sen forgesi Denis Lainé pro lia aŭskultado kaj liaj mirindaj mikrofonoj, nek Alice.
Kion ajn ili valoras, mi havas la feliĉon scii, ke ĉi tiuj kantoj ne plu vere apartenas al mi !
Dankon al vi ĉiuj !!!
 
Ĉi matene hodiaŭ Ĵaude  25an de aprilo estis la fina etapo, mastrigado de mia albumeto Dezertoj ĉe la mastrigejo Globe Audio (Bordeaux) de Alexis Bardinet. Kia eksteksterordinara studio...
 
439880943 10225051202893695 875733653926525808 n
 
 
Alexis la mastrigisto gratulas (en la franca)  Armel  pro la jam farita eklstara sono en la registrado kaj miksado.. Li kontentas pri la rezulto.
 
 
 
Aŭskultado dum la mastrigado
 

Stacioj de l'amo la kvina esperanto-albumo de ĴeLe - Oficiala apero la 13an de februaro 2024.

 

Jhele Stacioj de l Amo500px

 

Stacioj de l'amo alvenas ĝustatempe por la Sankt-Valentena tago.


Ĝi estas la kvina albumo de ĴeLe eldonita en 2020 sur KD kun enhavo de 16 kantojn.
En la albumo Stacioj de l'amo Lena kolektis kantojn pri amo el diversaj jaroj (inter 1987 kaj 2020).

Albumo dediĉita al patrino, al filino ("Mia steleto") kaj al Esperanto "Esperanto-lando". Amaj travivaĵoj kunportos vin en ĉiuj aliaj kantoj !

Stacioj de l'amo reaperas laŭ la kutimaj bit-formatoj disponeblaj ĉe Vinilkosmo alklakante ĉi tie

kaj en la kutimajn elsendfluaj platformoj...

 

Se vi ankoraŭ ne konas la duopon ĴeLe iru al la artista paĝo ĉi tie


Oficiala muzikvideo aperos tre baldaŭ

vertical post ĴeLe Stacioj de lamo 45ecb70a c4ce 4495 9947 811ea76bd768

Oficiala eldono de la dua bit-albumeto de TIM, Bela vivo hodiaŭ la 8-an de marto 2024.

 

Bela vivo Tim 500

Post preskaŭ 4 jara paŭzo, interalie pro diversaj vojaĝoj en Meksikio, Kolombio kaj Guatemalo, TIM revenas en 2024 kun la albumeto Bela vivo.

Uzante elementojn de psikedelio, indie-elektronikaj kaj rok-elementoj, TIM komencas formi novan sonon, tre influitan de lia berlina vivo kaj de lia gusto por eksperimentado, laŭ persona signifo. La albumeto konsistas el ses titoloj.

Temas pri nur originalaj verkoj kun teksto kaj muziko verkitaj kaj komponitaj de TIM krom unu verkita de Liven Dek.

Ekde Hodiaŭ "Bela vivo" aperas laŭ la kutimaj bit-formatoj disponeblaj ĉe Vinilkosmo ĉi tie !
kaj elsendflue en la kutimaj muzikplatformoj liveritaj de Vinilkosmo tra Believe.

Se vi ankoraŭ ne konas la artiston TIM iru al la artista paĝo ĉi tie !

 

Oficiala muzikvideo de la titolo " Pluvo kaj vivo " disponebla ekde la unua printempa tago la 20an de marto 2024:

 415782733 2832830463531244 6927132444963508450 n

 

Okaze de la nova epoko nia...

 

Jen la tria albumo de Hugo YASS  (Yass KAWAMURA) kiu aperas la 24an de Januaro 2024 elsendflue

10 titoloj (1 :02 :01)

1: Ĉu vi diras al mi la veron?
2: Ĉar mi ne scias...
3: La difino maltrafis estontecon...
4: Duskas sub la stel'.
5: Eĥoanta en la malhelo.
6: Stelbrila nokto.
7: Mistera melodio.
8: Ritmo de vivo.
9: Kiam vi flugas al la lun'.
10: Anohino kimito…Dancu ni!

GarageBand: HUGO YASS
Kantotekstoj: HUGO YASS
Komponado: HUGO YASS

©2024 HUGO YASS MUSIC

Temas pri poemoj enmuzikigitaj de Hugo Yass

La  albumo aŭskulteblas elsendflue ĉi tie en Spotifio

Ligiloj al diversaj  elsendfluejoj https://nodee.net/a/c4uxt92i

La poemoj, kaj tradukoj al la japanan, aperos ĉe la retejo de Hugo Yass

Por aldoni en via retejo la varbrubandon ĉi apude celante ĉi tiun paĝon, kopiu la HTLM kodon ĉi sube kaj gluu ĝin en vian retejon aŭ blogon :

TOP